سروده روشن فومنی(ریتم "مفتعلن مفتعلن فاعلن")

               (تعزیه خوان)

--------------------۱.

پائیز روزان تعزیه به فومنات

آستانه وضیابر وتولمات*

وابزنید خیمه وتخته کوتام-

تابخوانید تعزیه بااحترام*

شمرو یزید وحرمله با خولی

-ژست بیگیریددهاتی ره سوسولی*

تی لبه گاز بیگیر زنقش آکتور

جه قالتاقی بوزا بوره دارجور*

آمیرزایم تعزیه کارگردانه

-شصت مرالشکرا گرگردانه*

قسمت---------۲.

پیسه تقی قماره جاسرآمد

نغوذ بالله بوبهه محمد*

ایمام حسین بدلم رشتیه

مسلم قلابی باغه دشتیه*

فنگی عاشور مسلم پیلا پسر

مردمه گاوه طویلا شو بسر*

گردی وهیرون کشه کوچی برار

چمارسرا مشتی یه هیچی ندار*

تیمور فومنی بوبوخه یزید؟!

بازارموجه-فروشه ماهی سفید*

ارداله یوسف صومعه سرائی

بجای خولی کونه خودنمائی*

 شمره بدل جه انزلی غازیان

-ذهله کونید ازاونه هیبت زاکان*

نوروزعلی مردخه ائی زینبه!

شبیه زن مرداکه -خیلی گبه؟!*

اونم چی پیر مرده هفتادساله

فورجاقسه -قوز بوکوده- مچاله*

ممدلی ام شبیه- ام کلثوم

نعمت شغال- رباب زارومظلوم*

سکینه یه- بدل-ابوله گشنیز*

غلام مکانیکم- علی اکبره؟!

کوچ دانه متکایم علی اصغره*

آلش واگردان بوخه گاه وگدار

توفیر نوکونه واردو ناشی کار*

قسمت---------------------۳.

اوستا عباده مادیان ذوالجناح؟!

خوره بدرد کاره-هردوجناح*

سرخ خلاف ملاف دوکوده حسن

جه پشت خیمه آیه به ذوالجوشن*

سید علی یم- امرو یزیده سره

-فردا-دی نی-سبزه کلاهخود داره *

--------------------------------۴.

صدای شیپور آیه از بقعا ور

خوآمره غورغر کونه کبلا سفر*

کبلا سفرا غیضا گیفته هاچین

می آمرا گه- ئی پچه آشانا-بی دین*

بهار کویا- لش داره تعزیه خوان؟!

بجارا اشکل بوکونه یا فوران*

غیر نهار شوره کولی بوخوره

میوه ادا-تورشه خالی بوخوره*

شیر بدخه جاغلا بجار مرزه سر

زالو بوکوشه خوتنبان درزه سر*

پیلا سوفا توم بوبوره بجار سر

پاپروس باغا کاشت بوکونه سراسر*

نوغانه برگا- فاگیره لولمان

پیله واسی- پوچا کونه- استخوان*

دوزار ودهشی بج وکج بفروشه

 تعزیه خوان بایه اونا بدوشه*

---------------------------۵.

کرب وبلا-برا-آجور دنوبو

آب فرات ایمام حسینه چی بو*

زانو نزه یزیده جه-بیقرار

آبه واسی گریه نوکود زار وزار*

کربلا جا بوجور نامو-آغوذ دار

کوفه مره -اٌچور - و بجار کار*

قیام کربلا برای اسلام

تابوکونه حقا به دونیا اعلام*

بی کربلا وسرور شهیدان

خرابا بوسته دین وشرع وقرآن*

اشان هنرپیشه چاچول بازید

دین وخدایا برار جان نشناسید*

تعزیه خوان وامتعهد ببه

قمارباز ولات ومنافق نبه*

ایزه حدیث -ایزه مقتل بدانه

سالی چهار رکعت نماز بخوانه*

خواخلاقا چاکون واکون بوکونه

تاهمه تانه -دیلا خون بوکونه*

تعزیه خوانی بخداگنائه

ان حرکات-ناقصه- افتضایه*

شرطه آمی امامانه-بیگیرید

مردمه روزیه ناحق جی گیرید* 

-------------------------------------۶.

گیلک کرا بج بینه ماهه مرداد

تعزیه خوان مسجده ورکشه داد*

گویه بزن طبل وشیپور بنه واز

بین دو لشکر اختلاف بینداز*

می زن وزاکان بوشائید تماشا

طبل صدا-ئی شتاوا-داشتن نیشا*

اگر می جو-چوت بزنه جه باران

وای بحال شمره تعزیه خوان؟!*

------------------------------------۷

تعزیه خوان پائیزه حسنا دانه

گیله کرات-سوکوله-بوبوسته خوانه*

تلانبارا-شالی داره تا خردار

گیلک تابج داره نیه خبردار*

نصفا واشهری بوبوره هاچینی 

نصفا کلاغ بوخوره با چی چی نی *

نصفا بازار موج بوخوره قهوه چی

نصفا آمیرزا بوخوره یالان چی*

آمان چی پول فادیم به تعزیه خوان

بیل نزه -کلنگ نزه -نده جان*

کشتی گیرا بوروم فادم بهتره

باعثه سربلندیه کشوره*

 خیلی قبیحه- آن عمل فومنی

تو"روشنی" چیره قوبیل نوکونی

سروده روشن فومنی:خردادماه۱۳۶۸نیشابور